Astanada jastar arasyndaǵy jumyssyzdyq deńgeıi 4,8 paıyzdy qurady
ASTANA. QazAqparat - 2016 jyldyń qorytyndysy boıynsha Astanada el boıynsha jumyssyzdyqtyń eń tómen kórsetkishi tirkelgen - 4,6 paıyz.
Bul jalpy respýblıkalyq deńgeıden 0,4 paıyzǵa tómen. Al 2015 jyly bul kórsetkish 4,7 paıyzdy quraǵan bolatyn, dep habarlaıdy astana.kz .
Astana qalasynyń statıstıka departamentiniń derekterine sáıkes, jastar arasyndaǵy jumyssyzdyq - 4,8 paıyz, 2015 jyly onyń deńgeıi 5,8 paıyz edi. 2016 jyly áıelder arasyndaǵy jumyssyzdyq 4,9 paıyz boldy (2015 jyly - 5,3 paıyz).
Jalpy jyl basynan beri Halyqty jumyspen qamtý ortalyǵyna jumysqa ornalasýǵa kómek suraǵan 3 950 adam júgingen. Olardyń 57 paıyzy jumyssyzdyqtan áleýmettik qorǵaý sharalarymen qamtyldy. Atap aıtqanda, 1 351 adam jumysqa ornalastyryldy, sonyń ishinde 233 túlek jastar praktıkasyna jáne 84 adam áleýmettik jumys oryndaryna jiberildi. Qoǵamdyq jumystarǵa 889 adam qatysýda. Halyqty jumyspen qamtý ortalyǵynyń málimetter bazasynda 1 060 jumys berýshi jáne 2 974 bos jumys orny tirkelgen.
