Astanada jastar arasyndaǵy úzdik ınnovatsııalyq jobalar anyqtalýda
«Bolashaq» qaýymdastyǵynyń baspasóz hatshysy Tımýr Bazarbaevtyń aıtýynsha, atalmysh jobanyń elimizde qolǵa alyna bastaǵanyna 2 aıdan asty. Ol barlyq aımaqtarda júzege asyrylýda. Al búgin jobanyń eń sońǵy kezeńi Astanada ótýde. «Sharanyń maqsatyna keletin bolsaq, jaqynda І.Jansúgirov atyndaǵy Jetisý memlekettik ýnıversıtetiniń ekinshi kýrs stýdenti taldyqorǵandyq Rýslan Býtın kompıýterlik qaraqshylyqtan qorǵaıtyn baǵdarlama oılap tapty. Oǵan arnaıy synaq retinde júrgizilgen 5 aıda baǵdarlamany birde-bir kompıýter mamany buzyp kire almady. Osy tektes talantty jastar elimizde jeterlik. Olar kez kelgen salada bar. Bizdiń maqsatymyz - osy talanty jastardy anyqtap, olarǵa kómek kórsetý. Tek kómek kórsetip qana qoımaı, olardyń boılaryndaǵy darynyn ári qaraı damytyp, jetildirip, ony memleket múddesine paıdalaný», deıdi baspasóz hatshysy.
Onyń sózine qaraǵanda, talantty jastardyń ınnovatsııalyq baǵyttaǵy jekelegen jobalary nemese ıdeıalary bolatyn bolsa, olar memlekettik organdarǵa joldanady. «Búgingi basqosýda da elimizdiń aımaqtarynan úzdik shyqqan jastar ózderiniń jobalaryn qorǵaıdy. Jalpy bul synǵa 700-deı jas qatysyp, olardyń tek 100-i ǵana synaqtan ótti», deıdi T.Bazarbaev.
