Astanada jastar arasyndaǵy quqyq buzýshylyqty boldyrmaý úshin stýdentter jasaqtary jumys isteýde
ASTANA. QazAqparat - Jastar arasyndaǵy quqyq buzýshylyqty boldyrmaý maqsatynda naýryz aıynan bastap Astana qalasynda stýdenttik jasaqtar óz jumysyn júzege asyrýda, dep habarlaıdy elordanyń baspasóz qyzmetinen.
Astana qalasy Jastar saıasaty máseleleri basqarmasynyń habarlaýynsha, atalmysh jasaqtardyń kómegimen on bes reıd ótkizilip, úsh júzden astam ákimshilik buzýshylyq anyqtaldy. Búgingi tańda stýdenttik jasaqtar quramynda 250 adam bar. Jastar elorda turǵyndary arasynda QR zańnamasy men quqyq buzýshylyqty boldyrmaý týraly aqparattyq nasıhat júrgizýde. Jastar saıasaty máseleleri basqarmasy Astana qalasy ІІD-imen birigip bul baǵyttaǵy jumystardy odan ári qaraı damytý maqsatynda L.N.Gýmılev atyndaǵy EUÝ stýdentterimen kezdesýler ótkizdi. Bul shara stýdenttik jasaqtar jumystaryn nasıhattaýǵa baǵyttalǵan.
