Astanada jastar arasynda qazaqsha kúresten el chempıonaty ótti
ASTANA. 15 aqpan. QazAqparat - Astanada Qazaqstan Respýblıkasy Táýelsizdiginiń 20 jyldyq mereıtoıyna arnalǵan jastar arasynda (1992-1994 j.j.), qazaqsha kúresten el chempıonaty bolyp ótti,
dep habarlady qalalyq týrızm, dene shynyqtyrý jáne sport basqaramasynyń baspasóz qyzmetinen.
11-13 aqpan aralyǵynda qaladaǵy № 54 mektep sport zalynda ótken jarys aýqymy jaǵynan respýblıkalyq jarysqa para-par boldy. Qatysýshylar sany 120 adamnan asqan bul jarysqa Aqtóbe, Atyraý, Aqmola, Qaraǵandy, Qyzylorda, Qostanaı oblystary men Astana, Almaty qalalarynan 10 qurama keldi.
Jeńis tuǵyrynyń eń bıik óresine 4 «altyndy» qanjyǵasyna baılaǵan qyzylordalyq sportshylar kóterildi.
Qostanaı oblysynyń Arqalyq qalasynan Mereke Sahabıdenov 60 kg salmaq sanatynda chempıon atandy. 82 kg salmaqta Qaraǵandy oblysynyń sportshysy Medet Ámirzadınge teń keler eshkim bolǵan joq. Astanalyq Aıbat Seıten 90 kg sportshylar kúresinde jeńiske jetti.
Astana qalasy qurama komandasynyń bapkeri, halyqaralyq dárejedegi sport sheberi, álem chempıony Erlan Estek astanalyq ashyq chempıonat respýblıkalyq jarystardan kem túspegendigin jáne qatysýshylar sany mol bolǵanyn erekshe atap ótti.
