Astanada jastar arasynda ınnovatsııalyq ıdeıalar men jobalar baıqaýy jarııalandy

ASTANA. QazAqparat - Astanada jastar arasynda ınnovatsııalyq ıdeıalar men jobalar baıqaýy uıymdastyrylady. Ótinimder 5 sáýirge deıin qabyldanady.

Bul týraly astana.kz saıtyna Jastar saıasaty máseleleri basqarmasynan habarlady. Innovatsııalyq ıdeıalar men jobalar baıqaýy jastar arasynda úzdik ınnovatorlardy anyqtaý, olardyń jobalaryn qoldaý jáne damýyna kómektesý, sondaı-aq, jas ǵalymdar arasynda tájirıbe almasý alańyn qurý maqsatynda ótkiziledi. Uıymdastyrýshylardyń aıtýynsha, baıqaý jeńimpazdaryna jobany ınvestıtsııalaýǵa jáne ony júzege asyrýǵa kómek kórsetiledi. «Baıqaýdyń basty talaby jańashyldyq, biregeılik, ekonomıkalyq tıimdilik, bir sózben aıtqanda, ómirdi jaqsarta túsetin jobalar, elimizdiń ındýstrıaldy-ınnovatsııalyq damýyna úles qosý bolyp tabylady. Innovatorlardyń bári ıdeıalarynyń mańyzdy ári paıdaly bolýy múmkin ekendigin bilýi tıis»,- deıdi vedomstvodaǵylar. Baıqaýǵa: «Úzdik ınnovatsııalyq tehnologııa», «Úzdik ınnovatsııalyq ónim», «Úzdik ınnovatsııalyq ıdeıa» jáne «Balalar ınnovatsııalary» atalymdary boıynsha 14-29 jastaǵy adamdar qatysady. Atalǵan baıqaýǵa qatysýǵa ótinimder 2014 jylǵy 5 sáýirge deıin qabyldanady. Barlyq ótinimder men suraqtardy myna mekenjaı boıynsha joldaýǵa bolady: Astana q., Abaı k-si, 9-shy úı. Baılanys telefondary/faks: (7172) 230626, e-mail: [e-mail].