Astanada jastar arasynda dinı ekstremızmniń aldyn alý boıynsha is-sharalar ótkizildi
ASTANA. 8 qarasha. QazAqparat - 1-6 qarashada jastar arasynda dinı ekstremızmniń aldyn alý maqsatynda ótkizilgen birqatar is-sharalar aıaqtaldy. Bul kúnderi kolledj ben ýnıversıtet stýdentteri men oqytýshylaryna dárister oqylyp, psıhologtardyń, teologtardyń, din ókilderiniń, «114» aqparattyq-keńes berý ortalyǵy mamandarynyń qatysýymen dóńgelek ústelder men kezdesýler uıymdastyryldy.
Sharalar barysynda etnıkaaralyq jáne konfessııa aralyq turaqtylyqtyń qalyptasý kezeńderin túsindirýge, sondaı-aq, jastar arasynda dinı saýattylyqty arttyrýǵa basymdyq berildi.
Dáristerdiń maqsaty - dinı ekstremızmniń aldyn alý boıynsha aqparattyq-nasıhattaý jumystaryn belsendirý, dástúrli dinder tarıhy týraly aqparattandyrý, destrýktıvti aǵymdar qyzmetiniń maǵynasyn ashý, dástúrli dinder tarıhyn nasıhattaý boldy.
Qazirgi ýaqytta Qazaqstan aýmaǵynda qyzmetine tyıym salynǵan ekstremısstik baǵyttaǵy 19 uıym bar.
Aktsııa qorytyndysy boıynsha dinı jáne konfessııa aralyq máseleler salasynda jumys isteıtin kásiptik uıymdarǵa arnalǵan ádistemelik quraldar basyp shyǵarylady. Bul týraly astana.kz habarlady.
