Astanada jastar arasynda bokstan álem chempıonaty bastalady
ASTANA. 23 shilde. QazAqparat /Qanat Qulshymanov/ - Búgin, 23 shildede elordanyń «Qazaqstan» sport saraıynda jastar arasynda bokstan álem chempıonaty bastalady. Bul jarysqa qatysýǵa bizdiń elimizge álemniń 50 elinen 500-den astam sportshy keldi.
Búgin aldyn ala saıystar bastalady. Chempıonatta Qazaqstan namysyn 13 jas boksshy qorǵaıdy. Respýblıkanyń jastar quramasynyń aǵa jattyqtyrýshysy Sultan Kostoev. Chempıonattyń fınaly 30 shildege josparlanǵan.
Atap óter jáıt, otandyq boks tarıhynda mundaı aýqymdaǵy týrnır Qazaqstanda alǵash ret ótkizilmek. QR Týrızm jáne sport mınıstrligi, Qazaqstannyń boks federatsııasy men elorda ákimdigi jarystardyń óte joǵary deńgeıde ótkizilýine bar kúsh-jigerdi sarp etýde.
Uıymdastyrýshylardyń aıtýynsha, Astana boks týrnırin ótkizý otandyq boksty damytýǵa jańa serpin berip, jastardyń sportpen shuǵyldanýyna qyzyǵýshylyǵyn arttyra túsedi.
