Astanada jasóspirimniń múrdesi tabyldy

ASTANA. KAZINFORM – Mektep oqýshysynyń ólimine qatysty qylmystyq is qozǵaldy. Qalalyq Polıtsııa departamenti bul aqparatty rastap otyr.

«10 qyrkúıekte qyz balanyń múrdesi tabylǵany týraly habarlama kelip tústi. Kámeletke tolmaǵan jasóspirimniń máıitin tekserý barysynda kózge kórinetin dene jaraqattary anyqtalmady. Qazir ólimniń sebebi anyqtalyp jatyr, atalǵan fakti boıynsha qylmystyq is qozǵaldy», - delingen elorda Polıtsııa departamentiniń baspasóz qyzmeti taratqan habarlamada.

Sonymen qatar Polıtsııa departamentinen Qylmystyq-protsestik kodekstiń 201-babyna sáıkes ózge de derekter jarııa etilmeıtindigi aıtyldy.

Jelide taraǵan aqparatqa súıensek, 14 jastaǵy jasóspirim –elordadaǵy №16 mekteptiń oqýshysy. 

Aıta keteıik, buǵan deıin Astanada bir top jasóspirim oqýshyny soqqyǵa jyǵyp, ony vıdeoǵa túsirgeni týraly habarlaǵan edik. 

Jelide jarııalanǵan vıdeodan bir top oqýshynyń jasóspirimdi buryshqa taqap qoıyp, uryp-teýip jatqanyn baıqaýǵa bolady.