Astanada jasóspirim men mektep qyzmetkeri tóbelesti
ASTANA. KAZINFORM — Elordadaǵy mektepterdiń biriniń aýmaǵynda jasóspirim men qyzmetker arasynda janjal týyndap, ol tóbeleske ulasty.
Іshki ister mınıstrliginiń málimetinshe, 17 jastaǵy jasóspirim avtokólikpen oqý ornynyń aýmaǵyna zańsyz kirgen. Mektep qyzmetkeriniń eskertýine ol agressıvti túrde jaýap berip, sonyń saldarynan janjal týyndaǵan.
Oqıǵaǵa baılanysty júrgizilgen tekserý nátıjesinde barlyq qatysýshy ákimshilik jaýapkershilikke tartyldy. Sot sheshimimen kámeletke tolmaǵan jasóspirim men mektep qyzmetkeri usaq buzaqylyq jasaǵany úshin kináli dep tanyldy. Sonymen qatar, kólik júrgizýshisi jol qozǵalysy erejelerin buzǵany úshin jaýapqa tartyldy.
Sondaı-aq jasóspirimniń ata-anasyn bala tárbıesine tıisinshe kóńil bólmegeni úshin jaýapkershilikke tartý máselesi qarastyrylyp jatyr.
Aıta keteıik, buǵan deıin Jambyl oblysynda jasóspirimder arasyndaǵy tóbelesten keıin oqýshy aýyr jaraqat alyp, bir kózinen aıyrylǵany habarlanǵan.