Astanada jasóspirimder arasynda júzýden ashyq chempıonat bastaldy
NUR-SULTAN. QazAqparat - «Barys Arena» sport kesheninde júzýden jasóspirimder arasynda Nur-Sultan qalasynyń ashyq chempıonaty bastaldy, dep habarlaıdy QazAqparat.
Qalalyq Dene shynyqtyrý jáne sport basqarmasynyń basshysy Samat Erǵalıevtiń aıtýynsha, jarysqa elimizdiń 13 óńirinen 240-qa jýyq sportshy qatysyp otyr.
«2005 jyly týǵan jáne odan kishi uldar men qyzdar baq synap jatyr. Saıys 4 kúnge sozylady. Jalpy, júzýdiń 8 túri bar. Olar: 100 metr men 50 metrge júzý, shalqasynan júzý, brass, batterflıaı, estafeta, krol jáne taǵy basqa, sonyń bári osynda qamtylǵan. Sportshylarymyz eki jylǵa jýyq karantınde otyryp, eshqandaı jarys kórgen joq. Sondyqtan bul chempıonatymyz balalarǵa óziniń bir septigin tıgizedi, aldaǵy basqa saıystarǵa da jiger beredi dep oılaımyz. Jáne de ózderińiz bilesizder, Prezıdent Qasym-Jomart Toqaev óz Joldaýynda «Jasóspirimder men balalarǵa jáne buqaralyq sportqa asa mán berýimiz qajet» dep aıtqan bolatyn. Osyǵan baılanysty qala ákimi Altaı Seıdiruly Kólginovtiń tapsyrmasymen osyndaı chempıonat ótkizý qolǵa alyndy. Aldaǵy ýaqytta basqa sport túrlerinen de is-sharalar ótkizemiz», – dedi Samat Erǵalıev.
Chempıonat jeńimpazdary men júldegerleri medal jáne dıplomdarmen marapattalady. El Táýelsizdiginiń 30 jyldyǵyna oraılastyrylǵan is-sharany Nur-Sultan qalasynyń Dene shynyqtyrý jáne sport basqarmasy, Mtex management JShS uıymdastyrdy.
