Astanada jasóspirimder arasynda fýtboldan chempıonat bastaldy
STANA. QazAqparat - Astanada 1999 jyly týǵan jasóspirimder arasynda fýtboldan respýblıkalyq chempıonat bastaldy. Jarys Q.Muńaıtpasov atyndaǵy alańda, Birinshi lıganyń jasóspirimder komandalarynyń arasynda ótýde, dep habarlaıdy astana.kz.
Fýtbol birinshiligine Qazaqstannyń 4 qalasynyń komandalary: Astana qalasynyń «Báıterek» FK, Almaty qalasynyń «TsSKA» FK, Temirtaý qalasynyń «Bolat-AMT» FK jáne Ekibastuz qalasynyń «Ekibastuz» FK qatysýda. Chempıonatqa barlyǵy 80-ge jýyq oıynshy qatysady. Jarys aıasyndaǵy kelesi oıyndar 5 jáne 7 tamyz kúnderi saǵat 10.00-de ótedi, onyń jeńimpazdary respýblıka chempıony ataǵyna talasady. Atap óteıik, endi fýtbol jankúıerleri barlyq jańalyqtardy uıaly telefonnan bilip otyra alady. Qazaqstan fýtbol federatsııasy jańa mobıldi qosymshany iske qosty. Ony Play Market jáne App Store arqyly júkteýge bolady. Qosymsha kómegimen Qazaqstandyq jankúıerler fýtbol jańalyqtaryn oqyp, Qazaqstannyń barlyq quramalarynyń quramymen tanysyp, nátıjelerdi qarap, irikteý týrnıriniń kestesimen tanysyp, teledıdardaǵy translıatsııalar men týrǵa sholýlardy kórýge bolady.
