Astanada jasóspirimder arasynda bokstan álem chempıonatynyń aqtyq saıysy ótip jatyr

Aıta keteıik, búgin atalǵan fınaldyq dodaǵa baılanysty QR Boks federatsııasynyń vıtse-prezıdenti Serik Qonaqbaev baspasóz máslıhatyn ótkizdi. Atalǵan sharada málim bolǵanyndaı, álem chempıonatynyń fınalyna qazaqstandyq 2 boksshy shyqty. ıAǵnı, 54 kelide óner kórsetetin Bekjan Qıbatqalıev fınalda vengrııalyq Hertseg Norbertpen qolǵap túıistiredi. 80 keliden joǵary salmaq dárejesinde aqtyq márege joldama alǵan taǵy bir elimizdiń bylǵary qolǵap sheberi Dıdar Tólegenniń qarsylasy ózbekstandyq Oıbek Sharıpov bolmaq. Jalpy bul týrnırge 48 elden 270-ten astam sportshy qatysty. Onyń ishinde Aıan Qalybekov (60 keli), Dáýitbek Qaıyrgeldi (63 keli), Asqar Dúısáli (75 keli) qol júldege ıe boldy.

«Ókinishke qaraı, bizdiń eki boksshy ǵana aqtyq saıysqa joldama aldy», - dedi S. Qonaqbaev. Onyń paıymdaýynsha, atalǵan saıys óz kezeginde Qazaqstandaǵy jasóspirimder boksyn damytý úshin úlken áleýet bar ekendigin kórsetti. Bul álem chempıonaty joǵary deńgeıde ótip jatqandyǵyna toqtalǵan ol, «osy saıystar uıymdastyrý jaǵynan da óte joǵary deńgeıde. Men buǵan deıin kóptegen chempıonattarǵa qatysqan edim. Endi osy oraıda aıtarym, elimiz Qazaqstan osyndaı ataýly jarystardy ótkizýge qabiletti ekendigimizdi maqtan tutamyn», - dedi.

Búgingi aqtyq saıystaǵy 13 kezdesýge álemniń 15 elinen qolǵap sheberleri qatysady. Onyń ishinde Reseıden 5 boksshy, Túrkııa men Ózbekstannyń árqaısysynan - 3 sportshydan, Qazaqstan men Avstrııa jáne Anglııadan - 2 boksshydan dodaǵa túsetin bolady.

Aıta keteıik, 2009 jyly alǵash ret uıymdastyrylǵan álem chempıonatyna 47 elden 283 bylǵary qolǵap sheberi qatysqan bolatyn. Qazaqstan sol chempıonatta 3 kúmis, 1 qola medalmen jalpykomandalyq esepte 9-orynǵa taban tiregen edi.