Astanada «Jasóspirim-Zań-Qaýipsizdik» aktsııasy ótkizilýde
ASTANA. 25 sáýir. QazAqparat - 25 sáýirden bastap elorda aýmaǵynda polıtsııa qyzmetkerleri keń kólemdi «Jasóspirim-Zań-Qaýipsizdik» aktsııasyn ótkizedi.
Bul shara kámelettik jasqa tolmaǵandar arasyndaǵy quqyq buzýshylyqtardyń aldyn alý, olardyń polıtsııa jumysymen tanysýy, sondaı-aq olarǵa qoǵamdyq oryndar men joldardaǵy negizgi tártip erejelerin oqytý maqsatymen uıymdastyrylǵan. Bul týraly qalalyq ІІD-niń baspasóz qyzmetinen habarlaıdy.
Aktsııany ótkizý barysynda Astana qalalyq ІІD-niń kámelettik jasqa tolmaǵandardyń isteri boıynsha ınspektorlar jasóspirimdermen birge ýaqytsha ustaý abaqtysyna, kámelettik jasqa tolmaǵandardy beıimdeý ortalyǵyna, kınologııalyq qyzmet ortalyǵyna, patrýldik-bekettik qyzmet polkyna, Astana qalasynyń ishki ister departamentiniń murajaıyna barady.
Ekskýrsııalarǵa nashar otbasylardan shyqqan balalar men profılaktıkalyq esepte turǵan kámeletke tolmaǵandar qatysady.
