Astanada «Jasóspirim» aldyn alý sharasy bastaldy
ASTANA. 23 aqpan. QazAqparat - 23 aqpannan bastap Astana qalasynyń aýmaǵynda Іshki ister departamenti «Jasóspirim» jedel aldyn alý sharasyn ótkizýdi bastady.
Osyǵan oraı, úsh kún boıy, ıaǵnı 23-25 aqpan aralyǵynda Astana qalasy Іshki ister departamentiniń kámeletke tolmaǵandar isi jónindegi ınspektorlary reıdtik sharalardy júrgizetin bolady. Sharanyń maqsaty kámelettik jasqa tolmaǵandarǵa ishimdikter, shylym satý faktilerin anyqtaý, túngi ýaqytta kóńil kóterý oryndarynda kámeletke tolmaǵandardyń zańdy ókilderinsiz bolýyna tekserýler júrgizý bolyp tabylady. Bul týraly ІІD baspasóz qyzmetinen habarlandy.
Budan bólek, ınspektorlar terrorızm aktisi týraly jalǵan aqparattar taratýǵa qatysty jaýapkershiliktiń bolatynyn eskertý maqsatynda jasóspirimder arasynda olardyń quqyqtyq saýatyn arttyrýǵa baǵyttalǵan is-sharalardy da ótkizetin bolady. ІІD kámeletke tolmaǵandar isi jónindegi bólim bastyǵy Zýlfııa Jaqypovanyń aıtýynsha, «Jasóspirim» aldyn alý sharalaryn ótkizýge ınspektorlarmen birge jergilikti atqarýshy organdar ókilderi, prokýratýra qyzmetkerleri, bilim berý ókilderi, ata-analar komıteti men úikmettik emes uıymdar da atsylysatyn bolady.
Esterińizge sala keteıik, qalalyq Іshki ister departamenti kámeletke tolmaǵandar isi jónindegi bólimniń esebinde búgingi kúni 505 jasóspirim tur, sondaı-aq bereketi qashqan 522 otbasy tirkelip, esepke alynǵan.
