Astanada jasyl aımaqtardyń quqyqtyq mártebesi ózgeredi
ASTANA. KAZINFORM — Astana qalasy máslıhatynyń sanıtarlyq-qorǵaý jasyl aımaǵyn basqarý jáne onyń aýmaǵynda qyzmetti shekteý rejımi qaǵıdalaryna ózgerister engizý týraly sheshim jobasy qoǵamdyq talqylaýǵa shyǵaryldy.
Qujat Astana qalasynyń ákimdigi tarapynan «Qazaqstan Respýblıkasynyń astanasy týraly» zańǵa sáıkes ázirlengen.
Túsindirme jazbada atap ótilgendeı, túzetýlerge 2025 jylǵy 26 maýsymda qabyldanǵan zańnamalyq ózgerister negiz bolǵan. Atap aıtqanda, «astananyń sanıtarlyq-qorǵaý jasyl aımaǵy» uǵymy zań deńgeıinde «astananyń orman-saıabaq aımaǵy» dep ózgertilgen.
Osyǵan baılanysty 2025 jylǵy 28 qarashadaǵy № 348/46-VIII máslıhat sheshimin jańartylǵan normalarǵa sáıkestendirý usynylyp otyr.
Qujat qabyldanǵan jaǵdaıda, onyń áleýmettik-ekonomıkalyq nemese quqyqtyq saldary bolmaıdy, sondaı-aq ulttyq qaýipsizdikke áser etpeıdi dep kútiledi.
Joba boıynsha qoǵamdyq talqylaý 2026 jylǵy 5 mamyrǵa deıin jalǵasady.
Buǵan deıin Astanada shamamen bir mıllıon kóshet egiletini habarlanǵan edi.