Astanada jasandy ıntellektpen jasalǵan fılmder baıqaýynyń fınaly bastaldy

Birneshe aıǵa sozylǵan irikteý kezeńi 1–3 qazan aralyǵynda ótetin saltanatty sharalarmen túıindeledi. Festıvaldiń alǵashqy kúninde baıqaýǵa qatysqan fılmderdiń jabyq kórsetilimi ótip, kórermenderge Qazaqstan, AQSh, Kanada, Italııa, Ońtústik Koreıa jáne Qytaı avtorlarynyń týyndylary usynyldy.

Uıymdastyrýshylardyń málimetinshe, bul – jasandy ıntellekt salasyndaǵy eń aýqymdy halyqaralyq kınofestıval. Baıqaýǵa álemniń 125 elinen 8 067 ótinim túsken, olardyń jalpy hronometrajy 100 myń mınýttan asady. Eń kóp jumys jibergen elderdiń qatarynda AQSh (1000-nan astam ótinim), Úndistan, Qytaı, Ońtústik Koreıa jáne Qazaqstan bar. Elimizden baıqaýǵa 850-ge jýyq ótinim tústi.

Іrikteý nátıjesinde 19 janrdy qamtıtyn 25 úzdik fınalıst anyqtaldy.

Fılmderdi ázirleý kezinde 80-nen astam generatıvti model qoldanylǵan. Sonyń ishinde qatysýshylar baǵasy 5 mıllıard dollardan asatyn qazaqstandyq Higgsfield startapynyń múmkindikterin keńinen paıdalanǵan.

Astana AI Film Festival negizin qalaýshy Aızat Kýseınovtyń aıtýynsha, 25 fınalıstiń qataryna Aýstralııa, Senegal, AQSh, Úndistan, Qytaı jáne Ońtústik Koreıa sııaqty elderdiń ókilderi engen, al Qazaqstannan eki jumys fınalǵa ótti.

– Biz álem boıynsha jiberilgen 8 myńnan astam jumysty qarap shyǵyp, eń úzdik 25 fınalısti tańdadyq. Kórermenge usynylatyn materıaldyń uzaqtyǵy 4 saǵattan asady. Shyny kerek, osy fılmderdi kórgende qatty tańǵaldym. Kınoındýstrııanyń rasymen de ózgerip jatqanyn túsindim. Jańa tehnologııalar sapaly fılm jasaýǵa tolyq múmkindik beredi, tipti týyndynyń jasandy ıntellektpen jasalǵanyn ajyratý qıyn, – dedi Aızat Kýseınov.

Festıvaldiń jalpy qory 2 mıllıon dollardy quraıdy. Onyń 1 mıllıon dollary jeńimpazdarǵa júlde retinde tabystalady.

Júlde qory eki negizgi kategorııa boıynsha bólinedi:

* Taqyryptyq konkýrs («Ómir súrgiń keletin bolashaq»): Jalpy júlde qory – 750 myń dollar. 1-orynǵa 450 myń dollar, 2-orynǵa 250 myń dollar, 3-orynǵa 100 myń dollar beriledi.

* Ashyq konkýrs: Jalpy júlde qory – 250 myń dollar. Bes nomınatsııa («Úzdik keıipker», «Úzdik vızýaldy jumys», «Úzdik tujyrymdama»,

«Úzdik sıýjet» jáne «Úzdik rejıssýra») boıynsha jeńimpazdardyń árqaısysy 50 myń dollardan alady.

Al qalǵan 1 mıllıon dollar Baladjı Srınıvasan (Coinbase burynǵy tehnıkalyq dırektory, Andreessen Horowitz venchýrlik qorynyń burynǵy bas seriktesi, The Network School negizin qalaýshy) tarapynan bolashaǵy zor AI-komandalarǵa ınvestıtsııa retinde baǵyttalyp, Qazaqstandaǵy jasandy ıntellekt ekojúıesin damytýǵa jumsalady.

Fınalısterdiń jumystaryn ıÝNESKO-nyń burynǵy bas dırektory, Frantsııanyń burynǵy mádenıet mınıstri Odrı Azýle bastaǵan halyqaralyq sarapshylar quramy baǵalaıdy. Qazylar alqasynyń qatarynda China Film Group AI zertteý ınstıtýtynyń dekany Ma Pın, Beıjiń kınoakademııasy anımatsııa fakýlteti dekanynyń orynbasary Van Hao, ınvestor Baladjı Srınıvasan jáne BytePlus ókili Lı Long bar.

Elorda turǵyndary men qonaqtary 2 jáne 3 qazan kúnderi fınalısterdiń jumystaryn MEGA Silk Way SOO-daǵy Chaplin kınoteatrynan úlken ekran arqyly tamashalaı alady. Bıletter Kino.kz saıtynda jáne Freedom SuperApp arqyly qoljetimdi.

Al 3 qazanda jeńimpazdar esimi belgili bolǵan soń, 4 qazannan bastap barlyq fılmdi festıvaldiń resmı saıtynan onlaın kórýge múmkindik týady.

Aıta keteıik, buǵan deıin jyl sońyna deıin qandaı fılmder prokatqa shyǵatynyn jazǵan edik.