Astanada jas jubaılar alańy ashyldy
ASTANA. KAZINFORM - Elordada jas jubaılar alańy paıda boldy. Onyń ashylý saltanatynda birneshe jas jubaı resmı túrde neke qıdyryp, eskertkish retinde aǵash otyrǵyzdy, dep habarlaıdy Astana ákimdigi.
Skverdiń ashylýy «Taza Qazaqstan. Astana — tazalyq pen tártiptiń úlgisi» aýqymdy ekologııalyq aktsııa aıasynda ótti.
Neke qııý rásiminen keıin jas jubaılar alańǵa eskertkish aǵash otyrǵyzdy.
Uıymdastyrýshylar atap ótkendeı, Astananyń búkil erli-zaıyptylarynyń osyndaı múmkindigi bar.
«Bul alań erli-zaıyptylar balalaryn osynda ákelip, bir kezderi óz qoldarymen otyrǵyzǵan aǵashtaryn kórsetýi úshin urpaqtar sabaqtastyǵynyń sımvolyna aınalýy kerek. Bul aktsııanyń taǵy bir tusy, meniń oıymsha, munda aǵash otyrǵyzǵan adamdar bul qalaǵa eshqashan zııan tıgizbeıdi. Sondaı-aq olar óz otbasylarynda qarym-qatynas ornatady», — dedi Nura aýdany ákiminiń orynbasary Álııa Ábsemetova.
Sondaı-aq saıabaqta endi úılengender baqytty kúndi eske alý úshin onyń shańyraǵyna qulyptar men taspalardy bekite alatyndaı kıiz úı ornatyldy.
Alańnyń ashylý saltanatynda barlyǵy 5 jup nekege turdy.
«Biz ótken jyly áleýmettik jelide tanysyp, dos boldyq, al búgin úılenip jatyrmyz. Biz osyndaı paıdaly dástúrdiń negizin qalaýshy bolatynymyzǵa eki ese qýanyshtymyn, osy aǵashqa kútim jasaýǵa jáne ataý taqtasyn ornatýǵa daıynbyz. Neke qııý kúni bizge osyndaı múmkindik túskeni qýantady», — dep qýanyshyn bólisti jas jubaılardyń biri Qýat Ahmetov.
Іs-sharaǵa 50 jyldyq mereıtoıyn atap ótken erli-zaıyptylar Marat Toqsanbaev pen Kúlásh Asqarova shaqyryldy.
Olar aktsııaǵa qatysýshylardy quttyqtap, batasyn berdi.
Esterińizge sala keteıik, ekoaktsııanyń osy aptasy «Kıeli meken» dep atalady jáne tarıhı-mádenı eskertkishterdiń aýmaǵyn abattandyrý jumystaryna arnalǵan.
Elordada barlyq turǵyndardyń kúshimen Mádenı mura nysandarynyń, eskertkishter men olarǵa irgeles aýmaqtardyń qasbetterin retke keltirý jumystary júrgizildi.
«Jasyl aımaq» úshinshi aptasy aǵash otyrǵyzýǵa, kóshetterdi aqtaýǵa arnalady.
4 mamyrǵa deıingi kezeń «Ónegeli urpaq» dep atalady jáne ardagerler aýlalary men qarttar úıleriniń aýmaqtaryn tazalaýǵa jáne abattandyrýǵa arnalady.
Sońǵy, besinshi aptada «Móldir bulaq» dep atalatyn sý aıdyndary — ózender men kólderdiń aınalasy qoqystan tazartylady.
