Astanada «Jas ulan-2013» HV respýblıkalyq áskerı ánder festıvali ótedi

ASTANA. 8 qazan. QazAqparat - 2013 jylǵy 12 qazanda «Kongress-holl» kontsert zalynda «Jas ulan» respýblıkalyq áskerı ánder festıvali laýreattarynyń gala-kontserti ótkiziledi.

Bul týraly QR Qorǵanys mınıstrliginiń baspasóz qyzmeti habarlady.

2013 jylǵy 9-10 qazan kúnderi «Jas ulan» respýblıkalyq mektebiniń ǵımaratynda festıvalge qatysýshylardyń aqtyq saıysy bolady. Áskerı ánder festıvaliniń fınalyna Qazaqstan Respýblıkasy Qarýly Kúshteriniń túrleri men ásker tekterinde, óńirlik qolbasshylyqtarda irikteý týrlarynan ótken oryndaýshylar men áskerı shyǵarmashylyq ujymdar qatysady.

Konkýrstyq baǵdarlamada áskerı kórkemónerpazdardyń «oryndaýshy-vokalıster», «folklorlyq oryndaýshylar», «vokaldyq-aspaptyq ansamblder men oryndaýshylar» atty úsh atalym boıynsha synǵa túsýi kózdelgen.