Astanada jas tilshiler men júrgizýshilerdiń «Sóz marjany» atty baıqaýy ótýde
ASTANA. 17 qazan. QazAqparat - Búgin Astanada M.Ótemisuly atyndaǵy oqýshylar saraıynda qalalyq «Sóz marjany» atty júrgizýshiler baıqaýy bastaldy.
Doda 6-8 jáne 15-17 jas aralyǵyndaǵy balalar arasynda Rýhanı kelisim kúni merekesine oraı uıymdastyryldy. Baıqaýdyń basty maqsaty - sóz jáne sahna sheberligi salasynda beıimi bar daryndy balalardy anyqtaý, sahnadaǵy ıkemderi men daǵdylaryn shyńdaý. Búgingi negizgi kezeńge 11 mekteptiń oqýshylary ótken. Baıqaý barysynda «Saltanatty is-sharalar júrgizýshileri», «Shoý baǵdarlamalarynyń júrgizýshileri», «Televızııalyq baǵdarlamalar júrgizýshisi», «Sheshendik ónerdiń úzdigi», «Kórermenderdiń kózaıymy», «Kópshilik kóńilashar», «Sahnanyń kúmis daýysy», «Segiz qyrly, bir syrly júrgizýshi», «Eń sándi jup», «Úzdik sahnalyq beıne» atalymdary boıynsha eń myqty júrgizýshiler anyqtalady. Sonymen qatar Gran-Prı júldesi de beriledi.
Qazylar alqasynda qalalyq konkýrstardyń júrgizýshisi, ánshi Álıhan Dúısenbaı, «MIR» telearnasynyń tilshisi Tatıana Terıýkalova, «Habar» arnasynyń júrgizýshileri Jumaǵalı Qurmanbek, Bekzat Júsip syndy óz isiniń sheberleri tórelik etti.
