Astanada jas sýretshi Beıbit Ásemquldyń «Óner álemine samǵaý» atty jeke kórmesi ashyldy

Kórme beıneleý óneri jáne foto óneri syndy eki baǵytty qamtıdy. Kórmege qoıylǵan qylqalam sheberiniń foto shyǵarmalary tabıǵat tyqyrbyn arqaý etedi, al sýret týyndylary jańa Astana kelbeti, qazirgi qoǵam beınesi, qazaqı bolmys, dala peızajy syndy taqyryptardy san-alýan beıneleý tehnıkasymen utymdy jetkizedi. Sonymen qatar búgingi kórme barysynda segiz qyrly, bir syrly tulǵanyń óleń jınaǵy jurtshylyq nazaryna pash etildi.

Uıymdastyrýshylar aıtyp ótkendeı, atalmysh kórme otandyq shyǵarmashyl jastarǵa qoldaý kórsetý maqsatynda qolǵa alynǵan «Úkili úmit» jobasy aıasynda ótkizilip otyr. Jobanyń negizgi maqsaty - daryndy jastardyń shyǵarmashylyq ónerin el ishinde nasıhattaý, jańa esimderdi Qazaqstan halqyna tanystyrý jáne eldiń mádenı damýyna qomaqty úles qosatyn jas ónerpazdardyń bastamasyn qoldaý.

Aıta ketelik, Beıbit Ásemqul 1985 Almaty oblysynyń Uzynaǵash aýylynda dúnıege kelgen. Jas daryn Á.Qasteev atyndaǵy respýblıkalyq kórkemsýret kolledjin, T.Júrgenov atyndaǵy Qazaq Ulttyq óner akademııasynyń músin jáne keskindeme fakýltetiniń stanoktik keskindeme mamandyǵy boıynsha úzdik bitirgen. Onyń jumystary Qazaqstan men shet memleketterdiń jeke toptamalaryna engen, Almatydaǵy Art Navad Arvest, Astanadaǵy Art Stori galereıalaryna qoıylǵan.

Beıneleý jáne foto óneriniń kórmesi 13 maýsymyǵa deıin jalǵaspaq.