Astanada «Jas sarapshy-2012» respýblıkalyq baıqaýy ótedi
ASTANA. 16 qazan. QazAqparat - Erteń Astana qalasynda qazaqstandyq ýnıversıtetterdiń ekonomıkalyq mamandyqtary boıynsha 3-4 kýrs stýdentteriniń ǵylymı zertteý jumystaryna degen qyzyǵýshylyǵyn arttyrýǵa baǵyttalǵan «JAS SARAPShY-2012» respýblıkalyq baıqaýyna arnalǵan baspasóz konferentsııasy ótkiziledi.
Bul týraly «Bolashaq» qaýymdastyǵynyń baspasóz qyzmeti habarlady.
Baspasóz konferentsııasyna «Bolashaq» Qaýymdastyǵynyń atqarýshy dırektory Rınat Májenov pen «Ekonomıkalyq zertteýler ınstıtýty» AQ makroekonomıkalyq jáne qoldanbaly ekonomıkalyq-matematıkalyq zertteýler ortalyǵynyń dırektory Sara Alpysbaeva qatysady.
Baspasóz konferentsııasynda, sonymen qatar, baıqaý týraly televızııalyq beınerolık kórsetiledi.
Uıymdastyrýshylar: «Bolashaq» Qaýymdastyǵy men «Ekonomıkalyq zertteýler ınstıtýty» AQ.
