Astanada jas pıanısterdiń І halyqaralyq «Astana Piano Passion» festıval-baıqaýy ótedi

Bul týraly «ACCORDI DI ASTANA» qoǵamdyq qorynyń baspasóz qyzmeti habarlady. Oǵan 18 jasqa deıingi ónerpazdar qatysatyn bolady. Jalpy júlde qory 50 myń AQSh dollary bolmaq. Sondaı-aq balǵyn oryndaýshylar Astana ákiminiń jáne baıqaýdyń kórkemdik jetekshisi Denıs Matsýevtiń atynan arnaıy júldeler taǵaıyndalyp, Frantsııanyń Ansı qalasyndaǵy «Crescendo» jáne «Annecy Classic», Irkýtsk qalasynda ótetin «Baıqal juldyzdary» festıvaldaryna qatysýǵa, Sýzdal qalasyndaǵy jazǵy lagerge joldama beriledi, sondaı-aq qazaq kompozıtorlarynyń shyǵarmalaryn úzdik oryndaǵany úshin syılyq taǵaıyndalmaq. Uıymdastyrýshylar oqytý granttaryn qarastyrýy da múmkin. 2013 jylǵy 10 qańtardan bastap festıval-baıqaýǵa ótinimder qabyldana bastady. Astana qalasynda qurylǵan arnaıy komıssııa 10 naýryz ben 30 naýryz aralyǵynda irikteý týryn ótkizedi, onyń qorytyndysymen festıval-baıqaýǵa qatysýshylar anyqtalmaq.

Jas pıanısterdiń І halyqaralyq «Astana Piano Passion» festıval-baıqaýynyń maqsaty - fortepıanolyq óner salasynda jańa talanttardy izdep tabý, ulttyq fortepıano mektebiniń dástúrlerin nyǵaıta túsý, ulttyq mektepterdiń dástúrleri men halyqaralyq almasýyn jalǵastyrý bolmaq.