Astanada jas otbasylardan «Qoljetimdi baspana-2020» baǵdarlamasy boıynsha qujattar qabyldaý kúni belgili boldy
Bul týraly astana.kz saıtyna qalalyq Turǵyn úı basqarmasynan habarlady.
«Sońǵy ýaqytta azamattardan «Qoljetimdi baspana-2020» baǵdarlamasy aıasynda jas otbasylarǵa turǵyn úı berýge qatysty saýaldar jıi kelip túsedi. Osyǵan oraı, Astana qalasynda «Qoljetimdi baspana-2020» baǵdarlamasy boıynsha jas otbasylardan qujattardy qabyldaý ústimizdegi jyldyń ekinshi toqsanynda júrgiziletinin habarlaımyz»,- delingen vedomstvo habarlamasynda.
Turǵyn úı basqarmasynyń habarlaýynsha, qajetti qujattar tizimi, olardy qabyldaý orny men merzimi BAQ-ta qosymsha jarııalanatyn bolady.
Qazirgi ýaqytta QR Óńirlik damý mınıstrligi atalǵan baǵdarlamaǵa ózgerister engizý jumystaryn júrgizýde.
Eske salaıyq, «Qoljetimdi baspana-2020» baǵdarlamasy turǵyn úı naryǵyndaǵy jaǵdaıdy jaqsartýǵa jáne Qazaqstan azamattarynyń turǵyn úı jaǵdaılarynyń sapasyn arttyrýǵa baǵyttalǵan.
