Astanada jas oryndaýshylardyń «Astana-Mereı» VI halyqaralyq baıqaýy bastaldy

Tórt kúnge jalǵasatyn baıqaýǵa Qazaqstan, Qyrǵyzstan, Ózbekstan, Reseı jáne Qytaı elderinen 10-16 jas aralyǵyndaǵy barlyǵy 143 mýzykant qatysýda. Olar úsh atalym boıynsha óner kórsetedi: fortepıano (74 qatysýshy), skrıpka (43) jáne vıolonchel (26). Baıqaýshylar jas erekshelikterine baılanysty úshke bólindi - 10 jasqa deıin, 13 jáne 16 jasqa deıingi toptar.

Mýzyka óneriniń has sheberlerinen quralǵan qazylar alqasynyń tóraıymdary Qazaq ulttyq óner ýnıversıtetiniń rektory Aıman Musaqojaeva men «Daryn» respýblıkalyq ǵylymı-tájirıbelik ortalyǵynyń dırektory Tildásh Bıtýova jýrnalısterge bergen baspasóz máslıhatynda dástúrli halyqaralyq baıqaýdyń basty maqsaty - mýzyka óneri salasyndaǵy daryndy balalardy anyqtaý, olardy qoldaý jáne kásiptik baǵdar berý, qazaqstandaǵy ulttyq mádenıetti damytý, álemdik jáne otandyq mádenıettiń eń úzdik úlgilerin nasıhattaý, sondaı-aq jas mýzykanttardyń dostyq qarym-qatynastaryn nyǵaıtý ekendigin atap ótti.

Júldegerler men jeńimpazdar 10 jeltoqsan kúni Qazaq Ulttyq óner ýnıversıtetiniń Organ zalynda marapattalady.