Astanada jas qyz jalǵan aqshamen ustaldy
ASTANA. QazAqparat - Kólik polıtseıleri jalǵan aqsha ustaǵan 23 jastaǵy qyzdy tutqyndady, dep habarlady kóliktegi ІІD baspasóz qyzmetinen.
«Astana qalasynyń temir jol vokzalynda 23 jastaǵy qyz ustaldy. Odan nomınaly 2000 teńgelik 64 kýpıýra jáne nomınaly 1000 teńgelik 6 dana aqsha (jalpy somasy 134 myń teńge) tárkilendi», - delingen habarlamada. Sarapshylardyń tekserýinen keıin, bul prınterdiń kómegimen basyp-shyǵarylǵan jalǵan aqsha ekeni anyqtaldy. Atalǵan faktige qatysty QR QK 231-baby 1bólimi (Jasandy aqsha nemese qundy qaǵazdy daıyndaý, saqtaý, tasymaldaý nemese ótkizý) boıynsha is qozǵalyp, sotqa deıingi tergeý amaldary bastaldy. Materıal tergeý amaldary úshin Astana qalasy boıynsha memlekettik kiris departamentine jiberildi.
