Astanada jas qutqarýshylardyń qalalyq jarysy ótti
ASTANA. QazAqparat - Astanada «Jas qutqarýshylar jasaqtarynyń» qalalyq jarystary ótti. Atalmysh is-sharaǵa Astana qalasy Bilim basqarmasynyń, Astana qalasy TJD, Órt sóndirýshiler men qutqarýshylar sport federatsııasynyń ókilderi qatysty, dep habarlady astana.gov.kz.
Aqtyq synda elordalyq mektepterden 6 top kúsh synasty. «Almaty» aýdany boıynsha TJ basqarmasynyń atynan №30 mektep-lıtseıi men №56 orta mektebi qatysty. Al №28 jáne №20 orta mektepterdiń quramalary «Saryarqa» aýdany boıynsha, №66, №59 orta mekteptiń quramalary «Esil» aýdany TJ basqarmasynyń namysyn qorǵady.
Jarystardyń qorytyndylary boıynsha «Saryarqa» aýdanyna qarasty №20 orta mektebiniń quramasy jeńiske jetti, «Almaty» aýdanynyń №30 mektep-lıtseıi ekinshi orynǵa, «Esil» aýdanynyń №66 orta mektebiniń quramasy úshinshi orynǵa ıe boldy.
Al «Eń úzdik shyǵarma» konkýrsynda №30 mektep-lıtseıi, «Eń úzdik sýret» konkýrsynda №20 mektep-lıtseıiniń quramasy top jardy.
Sporttyq jarystardyń jeńimpazdary men qatysýshylaryna medaldar, qurmet gramotalary men baǵaly syılyqtar tabys etildi.
Shara balalardyń otpen oınaýynan bolatyn órtterdiń aldyn-alýǵa, olardy TJ bolǵan kezde áreket etýge úıretýge jáne qutqarýshylardyń qyzmetterimen tanystyrýǵa baǵyttalǵan.
