Astanada jas qurastyrýshylar qoldan jasaǵan zymyrandar men robottaryn usyndy
ASTANA. 16 qazan. QazAqparat - Búgin Astanada áýe-, avto-, keme-, zymyran úlgilerin jáne robotty tehnıka qurastyrý boıynsha balalar arasynda respýblıkalyq baıqaý bastaldy.
Elimizdiń túkpir-túkpirinen kelgen úzdik qurastyrýshylar ózderiniń eksponattaryn alyp kelgen. Olardyń ishinde qashyqtyqtan basqarylatyn kólikter men azamattyq, áskerı ushaqtar, jelkendi kemeler, súńgýirler, áskerı qaıyqtar, tipti álemge tanymal kólik markalarynyń kishireıtilgen úlgileri bar. Modelderdiń deni janarmaımen otalyp, birneshe saǵat boıy júre alady. Kózge birden túser modelderdiń biri nemistiń Focke-Wulf Fw 190 Würger áskerı ushaǵy men Aı betinde júrýge arnalǵan ǵarysh apparaty. Bir qyzyǵy olar dalada jatqan kereksiz temir-tersekterden qurastyrylǵan.
