Astanada jas hokkeıshiler arasynda QR chempıonaty aıaqtaldy

Bul týraly elordalyq Týrızm, dene shynyqtyrý jáne sport basqarmasynyń baspasóz qymetinen málim etti.

Jarysqa elordalyq «Astana» jáne «Alaý» komandalary, «PSO» (Ekibastuz), «Búrkit» (Petropavl), «Ońtústik búrkit» (Shymkent qalasy) komandalary qatysty.

«Astana» komandasy barlyq kezdesýlerdi jeńip, kóshbasshylyǵyn bul joly da saqtap qaldy. Ekinshi orynda «Alaý» bolsa, úshinshi orynǵa petropavldyq «búrkitter» turaqtady. Shymkent qalasynyń sportshylary ázirge birde-bir jeńissiz jáne týrnırlik kesteniń sońǵy ornynda.

Aıta keteıik, sportshylar Qazaqstannyń eń myqty degen komandalary oınaıtyn «A» tobyna ótý úshin baq talastyrýda. Úshinshi týrdyń ótkiziletin ýaqyty ázirge belgilengen joq.