Astanada jas daryndardyń shyǵarmashylyq keshi ótti
Shara Ulttyq mýzeıdiń 5 jyldyǵyna oraı jáne Jastar jylynyń aıasynda uıymdastyryldy. Astananyń jáne Qaraǵandy qalasynyń birqatar joǵarǵy oqý oryndary men kolledjderinen jınalǵan talantty jastar bas qosyp, ózderiniń ónerlerin ortaǵa saldy.
Sharanyń basty maqsaty - ulttyq kodtyń negizi retinde tanylatyn mádenı muralar men qundylyqtardy keńinen nasıhattaý, qoǵamnyń mańyzdy bóligin quraıtyn kreatıvti jastardyń basyn biriktirý.
Sharanyń ashylýynda sóz alǵan Ulttyq mýzeı dırektorynyń orynbasary Abaı Satybaldın táýelsizdik rýhymen ósip kele jatqan búgingi erteńgi úmitimiz dep atap ótti.
«Jastar - kez kelgen memlekettiń eń belsendi bóligi, qoǵamnyń qozǵaýshy kúshi. Sondyqtan el tiregi - jastar ekenin esten shyǵarmaǵan abzal.
Búgingi kúniń jastary - bilikti, rýhanı álemi baı, oı-sezimi sergek, jańashyl jastar», - dedi Abaı Satybaldın.
Іs-shara barysynda Qazaq ulttyq horeografııa akademııasynyń «Pedagogıka» kafedrasynyń 1-kýrs stýdentteri Daıana Rahmet, Rýstam Karev, Janna Naýryzbaeva, Madııar Mýsaıfov Aınur, Áshimova, Edvard Garanın «Jastar valsin» tartý etti. Akademııa stýdentteri Latvııa, Reseı, Qytaıdaǵy birneshe halyqaralyq bı týrnıriniń laýreaty.
«Jastar valsin» belgili horeograf E. Moıseev Jastar jylyna arnaıy qoıdy. Bıdegi horeografııa qazaq valsiniń koroli Shámshi Qaldaıaqovtyń birneshe áýenine negizdelip, ulttyq bı óneriniń qımyl-qozǵalystary men zamanaýı bal bıleriniń sıntezi bolyp tabylady.
Sonymen qatar, Qazaq ulttyq óner ýnıversıteti Merýert Ótekeshevanyń sheberhanasy stýdentteriniń oryndaýynda poezııa men ánnen quralǵan «Men qazaqpyn» atty kompozıtsııa qoıyldy.
Eýrazııa gýmanıtarlyq ınstıtýty stýdentteriniń dombyrashylar toby «Kúmbirle» qazaqtyń kúılerinen popýrrı oryndap, L.Gýmılev atyndaǵy Eýrazııa Ulttyq ýnıversıteti «Shańyraq» uıymynyń múshesi Erzat Jumabekov Isa Baızaqovtyń «Jeldirmesin» shertti.
