Astanada jas aqyndarǵa músháıra jarııalandy
Jyr baıqaýy - Qazaqstan Respýblıkasy memlekettik rámizderiniń 25 jyldyǵyna arnalady. «Máńgilik el - muratym!» jáne «Memlekettik rámizder maqtanyshym!» taqyryptaryna jazylǵan shyǵarmalar 5-tamyz ben 5-qyrkúıek aralyǵynda qabyldanady. Músháıranyń jalpy júlde qory 1,2 mln teńge kóleminde.
Músháıranyń maqsaty men mindetteri týraly aqyn Qalqaman Sarın men Astana qalasy ákimdiginiń jastar saıasaty máseleleri basqarmasynyń basshysy Ashat Oralov baıandap berdi.
«Elbasy N.Á.Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý sheńberinde jastar arasynda ulttyq biregeılik pen ulttyq qundylyqtarymyzdy nasıhattaý maqsatynda ótetin múshaıraǵa Astananyń jas aqyndaryn qatysýǵa shaqyramyn. Bıyl qalalyq deńgeıde ótetin músháırany bolashaqta, respýblıkalyq, tipti halyqaralyq jyr báıgesine aınaldyrýdy josparlap otyrmyz dedi», - Ashat Oralov.
Úsh kezeńnen turatyn músháıraǵa 14 - 29 aralyǵyndaǵy jas aqyndar qatysa alady. Birnshi kezeńde : «Máńgilik el muratym» men «Memlekettik rámizder mártebem» taqyryptaryndaǵy shyǵarmalardy qabyldaý júrgiziledi. Ekinshi jáne úshinshi kezeńde: ótinimderdi qarastyrý men úzdik aqyndar ornyn anyqtap, músháıranyń ádil qazylar alqasynyń otyrysy ótkiziledi. Marapattaý rásimi qyrkúıek aıynda Astana qalasynda saltanatty túrde ótedi.
«Qabyldanǵan materıaldar retsenzııalanbaıdy jáne qaıtarylmaıdy. Músháıra jumystary ereje sharttaryna sáıkes kelmese, uıymdastyrýshylar olardy qabyldamaýǵa quqy bar. Bul týraly ótinim usynylǵan kúnnen bastap tórt jumys kúni ishinde Músháıraǵa qatysýshylaryna málimdenýi tıis»,- dedi belgili aqyn Qalqaman Sarın.
