Astanada jas aqyndar músháırasy ótýde

ASTANA. QazAqparat - Astanada QR Memlekettik rámizderiniń 25 jyldyǵyna oraı qalalyq jas aqyndar músháırasy ótip jatyr, dep habarlaıdy QazAqparat elorda ákimdiginiń medıa ortalyǵyna silteme jasap.

Músháıraǵa 16 - 29  jas aralyǵyndaǵy aqyndar qatysýda.  Taqyryby - «Memlekettik rámizder maqtanashym» jáne «Máńgilik el - muratym».

Mundaı sharany ótkizýdiń maqsaty:  Elbasynyń «Bolashaqqa baǵdar: rýhanı jańǵyrý» baǵdarlamalyq maqalasyn júzege asyrý sheńberinde jastar arasynda ulttyq biregeılik pen ulttyq qundylyqtarymyzdy nasıhattaý, jas aqyndardyń shyǵarmashylyǵyn damytýǵa jaǵdaı jasaý, memlekettik rámizderdi nasıhattaı otyryp, jastardy otansúıgishtikke tárbıeleý.

Jas aqyndar saıysynyń jalpy syılyq qory 650 myń teńgeni quraıdy. І oryn jeńimpazyna 300 myń teńge, ІІ oryn ıegerine 200 myń teńge jáne ІІІ oryn júldegerine 100 myń teńge syıaqy tabystalmaq. Sondaı-aq IV oryn ıegeri «Úzdik aqyn» atalymy boıynsha 50 myń teńgege ıe bolady dep kútilýde.

Músháıra sońy Qazaqstan estradasy juldyzdarynyń qatysýymen ótetin kontserttik baǵdarlamaǵa ulaspaq.

Aıta keteıik, qalalyq músháıra elorda ákimdiginiń Jastar saıasaty máseleleri basqarmasynyń áleýmettik tapsyrysyn oryndaý aıasynda ótip jatyr.