Astanada jas aqyn Bekmurat Ómirbektiń shyǵarmashylyq keshi ótedi
ASTANA. 17 qańtar. QazAqparat - Erteń, 18 qarashada Astanadaǵy Qazaqstan-Reseı ýnıversıtetinde «Abaı nury» ónerli jastar klýbynyń uıymdastyrýymen jas aqyn Bekmurat Ómirbektiń «Sulýjúrek» atty shyǵarmashylyq keshi ótedi. Bul týraly atalmysh oqý ornynyń baspasóz qyzmeti habarlaıdy.
«Bekmurat Ómirbekuly az ýaqyt ishinde óz ortasyn moıyndatty. Aldyńǵy aqyndardyń alymy men qarymyna kóńil bólip, keıingi tolqyndaǵy óz zamandastarynyń birtalaıyn eleń etkizgen aqyndardyń qataryna qosyldy. Eýrazııa gýmanıtarlyq ınstıtýtynan bilim alǵan ol 2007 jyly «Jas dáýren» atty jyr jınaǵyn da oqyrmandaryna usynyp úlgerdi», delingen habarlamada.
Keshke aqyn, halyqaralyq «Alash» syılyǵynyń jáne Túrki dúnıesi halyqaralyq poezııa festıvaliniń laýreaty, Mahambet syılyǵynyń ıegeri Serik Turǵynbekuly, aqyn-sazger, Sh.Shaıahmetov atyndaǵy Tilderdi damytýdyń respýblıkalyq úılestirý-ádistemelik ortalyǵynyń dırektory Erǵoja Tilepberdi, aqyn, telejúrgizýshi Nazıra Berdáli jáne basqa da kóptegen óner qaıratkerleri qatysady.
