Astanada jarylǵysh zat qoıylǵany týraly habarlama jalǵan bolyp shyqty
ASTANA. QazAqparat - Astana qalasynyń polıtsııa bólimshesine belgisiz er adam habarlasyp, elordada jarylǵysh zat qoıylǵanyn, biraq naqty qaı jerge qoıylǵanyn aıtpaǵan, dep habarlaıdy «QazAqparat» HAA elordalyq ІІD-niń baspasóz qyzmetine silteme jasap.
«Jedel-izdestýri sharalaryn ótkizý kezinde ekstremızmge qarsy is-qımyl jáne «Almaty» aýdandyq ІІB JPQ-nyń ýchaskelik polıtsııa qyzmetkerleri birlesip, Aqmola oblysynyń 50 jastaǵy turǵynyn ustady. Medıtsınalyq saraptama qorytyndysy azamattyń ortasha deńgeıde mas bolǵanyn anyqtady. Atalǵan derek boıynsha tergeý júrgizilip jatyr», - delingen vedomstvo habarlamasynda.
Astana ІІD-niń ekstremızmge qarsy is-qımyl basqarmasynyń basshysy Madııar Aıtýǵanovtyń aıtýynsha, terrorlyq akti týraly jalǵan habarlama taraǵan jaǵdaıda turǵyndar arasynda úreı týyndap, adamdardyń aıtarlyqtaı bóligi jarylǵysh zatty izdeýmen aınalysady, barlyq shuǵyl qyzmetter jumyldyrylady.
QR QK-iniń 273-babyna sáıkes, terrorlyq akti daıyndalyp jatqany týraly qasaqana jalǵan aqparat taratýshy alty jylǵa deıin bas bostandyǵynan aıyrylýy múmkin.
Aǵymdaǵy jyldyń basynan beri QR QK-iniń 273-babynda kózdelgen «Terrorlyq akt týraly qasaqana jalǵan aqparat taratý» boıynsha 5 qylmystyq derek tirkelip, kóp uzamaı anyqtalǵan iske jaýaptylarǵa túrli deńgeıdegi bas bostandyǵynan aıyrý jazasy taǵaıyndaldy.
