Astanada jarty jyldaı jyldamdyqty shekten tys asyryp kelgen qymbat kólik júrgizýshisi memleketke aıyppul retinde 1000 dollar qaryz bolyp shyqty
ASTANA. Maýsymnyń 10-y. QazAqparat /Murat Jákeev/ - Qymbat kólik júrgizýshi elorda kóshelerinde jarty jyldaı ýaqyt boıy júıeli túrde jol erejesin buzyp kelgen.
Nátıjesinde onyń aıyppulynyń ózi myń amerıkandyq dollarǵa jetken. Sársenbi, maýsymnyń 10-y kúni Jol júrý erejesin qasaqana buzýshyny Astana qalasynyń polıtseıleri qolǵa túsirdi.
Elordalyq jol polıtsııasy basqarmasynyń baspasóz ortalyǵy habarlaǵandaı, «byltyrǵy jyldyń kúzinen beri júrgizýshi belgilengen jyldamdyqty 12 ret asyrǵan, salynǵan aıyppuldyń jalpy quny - 127 800 teńge. Eń sońǵy ret ol Respýblıka dańǵylyna shyǵatyn jerde Táshenov kóshesinde jyldamdyqty asyrǵan, «Red Speed» jyldamdyqty ólsheý quraly ony túsirip alǵan».
Baspasóz qyzmetindeı habarlanǵandaı, endi ol 30 kún ishinde óz erkimen aıyppuldy tóleýi kerek.
