Astanada «Jarqyn bolashaq» III respýblıkalyq KATEV qazaq tili olımpıadasy ótip jatyr

QR Memlekettik tili - qazaq tili - uly dalany meken etken baıyrǵy qazaq halqy men basqa da qazaqstandyq ult ókilderiniń tarıhı taǵdyryn toǵystyrǵan, teńdik pen tatýlyqty ustana otyryp, beıbit qoǵamdy qalyptastyrýǵa septigin tıgizip otyrǵan birden-bir rámiz. Elbasy N.Á.Nazarbaev: «Bizdiń, búkil qazaqstandyqtardyń basyn biriktiretin basty faktor - meklekettik til. Qazaq halqynyń týǵan tilin damytý úshin barlyq kúsh-jigerimizdi jumsaýymyz kerek», - dep, memlekettik til máselesine erekshe nazar aýdaryp keledi. Onymen birge, bıyl elimiz úshin erekshe ataýly jyl, ol - Táýelsizdiginiń 20 jyldyq mereıtoıy. Osyǵan oraı, KATEV Halyqaralyq qoǵamdyq qory jalpy orta bilim beretin mektepterdińqazaq jáne ózge ult toptarynda oqıtyn 7-11-synyp oqýshylary arasynda «Jarqyn bolashaq» III respýblıkalyq KATEV qazaq tili olımpıadasyn uıymdastyryp otyr.

Olımpıadanyń maqsaty - memlekettik tildiń qoldanylý aıasyn keńeıtý jáne ony damytý, ári qazaq tili men ádebıeti pánderi boıynsha erekshe daryndy oqýshylardy anyqtaý jáne olarǵa qoldaý kórsetý.

Bıyl úshinshi ret ótkizilip otyrǵan «Jarqyn bolashaq» olımpıadasynyń aqtyq básekesi Astana qalasynda ótkizilýde. Oqýshylardyń talaptary alty baǵyt boıynsha baǵalanýda - qazaq til bilimi men ádebıeti, mánerlep oqý, án aıtý, sahnalyq qoıylym, ǵylymı joba jáne jazbasha shyǵarmashylyq jumys. Olımpıadanyń jeńimpazdary men júldegerleri ár baǵyt boıynsha anyqtalyp, dıplomdarmen jáne baǵaly syılyqtarmen marapattalady. Al 1-oryn ıegerlerine Súleımen Demırel ýnıversıtetiniń granttary tabys etiletin bolady.