Astanada jaramsyz avtobýstardy jolǵa shyǵarǵan laýazymdy tulǵalar jaýapqa tartyldy
ASTANA. QazAqparat - 29-31 qańtar aralyǵynda Astanada júrgizýshilerdiń kólik basqarý tártibin kúsheıtý maqsatynda «Avtobýs» jedel aldyn alý sharasy ótýde, dep habarlaıdy elorda ákimdiginiń baspasóz qyzmetinen.
Jol-patrýldik jáne kóshi-qon polıtsııasynan, sonymen qatar Astana qalasynyń kóliktik baqylaý ınspektsııasy qyzmetkerlerinen quralǵan mobıldi top qala aýmaǵynda, «Rýbej» beketterinde zańsyz tasymaldaýshylar men mıgranttardy shyǵarý boıynsha jumys atqarýda. Sońǵy aıaldamalarda, avtobeketterde avtobýstardyń tehnıkalyq jaramdylyǵy tekserilýde, normatıvtik standartqa saı emes kólik basqarý faktileri de baqylanýda. Sharanyń alǵashqy kúninde 95 jol erejelerin buzý faktisi tirkeldi, 8 júrgizýshi ákimshilik jazaǵa tartyldy, kólik júrgizip kele jatyp uıaly telefonmen sóılesip manever erejesin buzý boıynsha 4 fakti, eńbek jáne demalys rejimin buzýdyń 2 faktisi anyqtaldy. Tehnıkalyq jaǵynan jaramsyz avtobýstardy jolǵa shyǵarǵany úshin 2 laýazymdy tulǵa jaýapqa tartyldy. Astana qalasy ІІD ÁPB málimetinshe, 2014 jyly jol-patrýldik polıtsııa qyzmetkerleri qoǵamdyq kólik júrgizýshileriniń 1800-ge jýyq jol qozǵalysy erejelerin buzý jaǵdaılaryn anyqtaǵan, 39 júrgizýshi ákimshilik jazaǵa tartyldy.
