Astanada jaraqat alǵan qurylysshy sot arqyly qomaqty ótemaqy óndirip aldy
ASTANA. QazAqparat - Astanada óndiristik jaraqat alǵan mataýshy-jumysker Dýman Ramazanovtyń januıasy tórt mıllıon tenge aldy. Bul týraly Qazaqstan Respýblıkasy kásipodaqtary Federatsııasy habarlady.
«Astanadaǵy «Fırma Stalnoı soıýz» JShS qurylys nysanynda 2011 jyldyń 2 shildesinde oryn alǵan jazataıym oqıǵanyń nátıjesi - mataýshy Dýman Ramazanovtyń bandajy úzilip, ústine 8 tonnalyq temir balka qulaǵan soń, ol tósekke tartylyp, múgedektik alǵan. Jumys berýshi bolsa, zaqymdanǵanǵa tek birinshi qajet kómek kórsetip, bar kináni jumyskerge salmaqshy boldy» delingen habarlamada.
Federatsııanyń ókili Alfııa Peresýnko jábirlengen otbasyǵa keńes berip, olardyń qandaı quqyqtary bar ekenin túsindirip berdi. Sonymen qatar, emdelýge jáne óndiristik jaraqat alǵannan keıingi shyǵyndardy óteý jóninde Almaty aýdandyq sotyna júgingen aryzdanýshynyń sot isine qatysty.
Jábirlengen jaqtyń advokatyna QRKF ókiliniń bergen keńesterinen soń jáne de sot otyrysynda densaýlyqty qalypqa keltirý boıynsha tólemderdi óteý jónindegi máselelerdi anyqtap bergen soń, sot jábirlengen jaqtyń paıdasyna sheshim qabyldady.
Sot jábirlenýshi D.Ramazanovtyń aryzynyń talaptaryn ishinara qanaǵattandyrý týraly sheshim qabyldap, jumys berýshi «Fırma Stalnoı soıýz» JShS-ti emdelýge arnalǵan qosymsha 862611 teńge qarajatty tóleýdi mindettedi.
Zardap shekken D. Ramazanovqa medıtsınalyq - áleýmettik sarap 2011 jyly birinshi toptyq múgedektikti jáne 100 % eńbekke jaramsyzdyqty aıqyndady. Biraq, oǵan, ne onyń jubaıyna múgedektik aıqyndalǵannan keıin de olarǵa qosymsha saqtandyrý tólemderi tıesili ekenin eshkim túsindirmedi.
Kásipodaq ókili jábirlenishýge 2000 AEK kólemindegi bir rettik tólemdi alýǵa quqyǵy bar ekenin anyqtap bergennen soń, onyń januıasy óziniń tabyskeriniń emdelýi men densaýlyǵyn qalypqa keltirýi úshin 3,2 mıllıon teńge kóleminde qarjyny alyp úlgerdi.
