18:15, 16 Shilde 2024 | GMT +6
Astanada jappaı tóbeleskenderge qatysty qylmystyq is qozǵaldy
ASTANA. KAZINFORM – Elordada jappaı tóbelesken jastardyń vıdeosy tarady. Instagram jelisinde taraǵan vıdeodan bir top jastyń tóbelesip jatqanyn baıqaýǵa bolady, olardyń arasynda qyzdar da bar.
Jazba avtorynyń aıtýynsha, jappaı tóbeles 25 maýsymda bolǵan jáne janjal eki boıjetkenniń arasynda týyndaǵan.
Bolǵan oqıǵaǵa qatysty Astana qalasynyń Polıtsııa departamentinen túsinikteme berýdi suraǵan edik.
«Densaýlyqqa qasaqana zııan keltirý faktisi boıynsha qylmystyq is qozǵaldy. Qatysy bar adamdardy anyqtaý jáne jaýapkershilikke tartý boıynsha keshendi jedel-izdestirý is-sharasy ótkizilip jatyr», - degen jaýap aldyq.
