Astanada jappaı syrǵanaý maýsymy bastaldy
ASTANA. QazAqparat - Jańa jyldyq merekeler qarsańynda qalanyń birqatar aýdanynda muz aıdyndary men syrǵanaý alańdary ashyldy, dep habarlaıdy QazAqparat elorda ákimdiginiń medıa ortalyǵyna silteme jasaı otyryp.
Astanadaǵy Aqbulaq ózeniniń jaǵalaýyndaǵy muz aıdynynda qala turǵyndaryn jappaı mádenı - sporttyq serýenge shaqyratyn «Qysqy ertegi» merekelik sharasy ótedi.
Onda Almaty aýdanynyń uıymdastyrýymen merekelik kontserttik baǵdarlama, konkýrstar men oıyndardar ótkizilip, jeńimpazdaryna syılyqtar tabystalady.
Qys merzimde qala halqy men qonaqtarynyń kóńil-kúıin kóterip, bos ýaqyttaryn tıimdi ótkizý úshin «Prezıdent», «Jeruıyq» saıabaǵy men «Oqýshylar saraıy» aldyndaǵy alańda qysqy demalys oryndary, sonyń ishinde muz aıdandary men syrǵanaý alańdary paıdalanýǵa beriledi. Sondaı-aq EXPO aımaǵynda da muz aıdyny ashylǵan bolatyn.
