Astanada japonnyń tanymal pıanıst qyzynyń kontserti ótedi
ASTANA. 10 sáýir. QazAqparat - «Japon kóktemi» óner festıvali aıasynda elordada kún shyǵys eliniń tanymal djaz pıanıst qyzy Aıako Shırasakıdiń biregeı kontserti ótedi.
Bul týraly astana.kz saıtyna Japon Elshiliginen málim etti.
«Asqan sheber pıanıst qyz kórermenderdi XIX ǵasyrdyń aıaǵy men XX ǵasyrdyń basynda AQSh-ta týǵan mýzykanyń tereń ıirimderimen sýsyndatpaq. Óner ıesiniń san qyrly qupııalyǵy djaz ımprovızatsııasy kómegimen onyń talant qyrlaryn asha tústip, áýezdilikke qanyqtyrady»,-delingen taratylǵan málimetterde.
Aıako Shırasakı mýzykalyq ómir jolyn 12 jasynda bastaǵan. Ol kóp keshikpeı birden «Asasýka» djaz baıqaýynda júldeli orynǵa ıe boldy. Sodan keıingi bedeldi «HeinekenJazzCompetition» baıqaýynda ekinshi úlken marapatty ıelendi. 2010 jyly Aıako Shırasakıdiń Fallingleaves - LiveinHamburg» albomy shyqty. Ol 2010 jylǵy djaz meda sarapshylarynyń baǵasy boıynsha eń úzdik albomdardyń qataryna kirdi.
«Aıako Shırasakıdiń elordadaǵy kontsertine kez kelgen tilek bildirýshi bara alady. Kirý - tegin. Ol kórermender aldynda 10 sáýir kúni 19:00-de «Astana Music Hall» kontsert zalynda óner kórsetedi, - dep habarlaıdy Japon Elshiligi.
Sonymen qatar, «Japon kóktemi» festıvali aıasynda Astananyń mýzykalyq oqý oryndarynyń stýdentteri Aıako Shırasakıdiń sheberlik-dárisi sabaǵyn tyńdaı alady.
