Astanada «Japon kóktemi» halyqaralyq óner festıvali ótedi
ASTANA. QazAqparat - Astanada 1 - 3 naýryz aralyǵynda «Japon kóktemi» halyqaralyq óner festıvali ótedi, dep habarlady Astana qalasy ákimdiginiń baspasóz qyzmetinen.
«Degdar» gýmanıtarlyq qory men JTI kompanııasy bes jyldan beri jylyna eki ret japon mádenıetiniń maýsymy - «Japon kóktemi» men «Japon kúzi» festıvalin ótkizip keledi. Kontsertter Astana men Almatyda bolady. Onda kúnshyǵys eli men Qazaqstannyń dástúrli mýzyka, klassıka, djazdyń ataqty juldyzdar qatysady.
1 naýryzda Beıbitshilik jáne kelisim saraıynda barabanshylardyń ǵajaıyp shoýy ótedi. Bul álemdik deńgeıdegi áıgili japondyq «Yamato» tobynyń kontserti. Top 1993 jyly Nara ákimshilik-aımaqtyq jaǵynda sańlaq Masa Ogava jetekshiligimen top qurylǵan edi jáne ataǵy Japonııadan da ary asyp, áıgili boldy. ıAmato - japon memleketiniń kóne ataýy. Buǵan qosa ǵajaıyp úılesim, beıbitshilik degen de maǵyna beredi. Top álemniń 51 elinde myńdaǵan kontsert berdi. Ártisterdiń gastroldik saparlary jylyna 6 aıdan 10 aıǵa deıin sozylady jáne osylaı 20 jyldan astam ýaqyt jumys istep keledi. Al 3 naýryzda «Astana Opera» teatrynyń kameralyq zalynda «Chıo-Chıo-san v ojıdanıı vesny...» atty óner maıtalmandarynyń kontserti ótedi. Onda japondyq, qazaqstandyq avtorlardyń shyǵarmalary, sondaı álemdik klassıka jaýharlary oryndalady. Kontsertke Qazaqstannyń áıgili oryndaýshylary qatysady. Festıvaldiń maqsaty - kórermendi japon men qazaq mýzykalarynyń ozyq úlgisimen tanystyrý, bizdiń halyqpen mádenı uqsastyqtar izdeý, eki el arasyndaǵy shyǵarmashylyq baılanysty arttyrý.
