Astanada «Japon kóktemi» festıvali ótedi
ASTANA. QazAqparat - Astanada «Japon kóktemi» festıvali bolady. Onyń barysynda án súıer qaýym úzdik mýzykanttardyń ónerin tegin tamashalaı alady, dep habarlaıdy QazAqparat Elorda ınfo saıtyna silteme jasap.
Festıval aıasynda japonnyń dástúrli mýzykasynyń metri, koto shertpeli aspabynyń qas sheberi ІІ Enekava Tosıkonyń kontserti bolady. Onyń halyq mýzykasyna degen súıispenshiligi kezinde Japonııanyń joǵary «Ulttyq qazyna» tıtýlymen marapattalǵan anasy Enekava Tosıkodan mura bop qalǵan. ІІ Enekava Tosıko da shyǵarmashylyqtyń bıik shyńyna shyǵyp, kúlli álemde kontsert qoıyp keledi. Kóptegen beldi marapattarǵa ıe boldy, ánder jazyp, jas urpaqpen tájirıbe bólisýde.
Sheber mýzykantpen birge sıamısen ishekti aspabynda oınaıtyn shákirti Tosısato Kamekava da sahnaǵa shyǵady.
9 jyldan beri «Degdar» gýmanıtarlyq qory jylyna eki ret japon mádenıetiniń maýsymyn ótkizedi. Onyń aıasynda «Japon kóktemi» jáne «Japon kúzi» festıvaldary uıymdastyrylady. Kontsertter Astana, Bishkek, Tashkent qalalarynda qoıylady.
Elordada kontsert 27 aqpan kúni Qazaq ulttyq óner ýnıversıtetiniń organ zalynda ótedi. Bastalýy - saǵat 19:00, kirý - tegin.
