Astanada jáne úsh óńirde jel kúsheıip, burshaq jaýady
ASTANA. QazAqparat - Qazaqstannyń astanasy men taǵy úsh óńirde kúshti jel bolyp, naızaǵaı oınap, nóser jaýyn jaýady, dep habarlaıdy «QazAqparat» HAA «Qazgıdromet» RMK-nyń málimetterine silteme jasaı otyryp.
Astanada 27-29 maýsymda naızaǵaı oınap, kúndiz burshaq jaýady. 27 maýsym kúni kúndiz jel kóteriledi. 27-29 maýsym aralyǵynda soltústikten, soltústik-batystan jyldamdyǵy sekýndyna 15 metr bolatyn jel soǵady.
Amqola oblysynda 27-29 maýsym aralyǵynda keı jerlerde soltústikten jáne soltústik-batystan jel soǵyp, jyldamdyǵy sekýndyna 15-20 metr bolady. Ekpini 25 metrge jetip qalady. Keı jerlerde naızaǵaı oınap, kúndiz jel kúsheıýi yqtımal. Keı jerlerge nóser jaýyn jaýady.
Qaraǵandy oblysynda 27-29 maýsym aralyǵynda jel kúsheıip, jyldamdyǵy sekýndyna 15-20 metr bolady. Naızaǵaı oınap, burshaq jaýýy yqtımal.
Qostanaı oblysynda 27 maýsym kúni kúndiz soltústikten jel soǵady. Keı jerlerde jeldiń jyldamdyǵy sekýndyna 15-20 metrge jetedi.
