Astanada jáne Qazaqstannyń tórt oblysynda joldar jabyldy
ASTANA. QazAqparat - Astanada jáne Qazaqstannyń tórt oblysynda joldar jabyldy, dep habarlaıdy «Qazavtojol» RMK.
Astanada saǵat 14:00-den bastap aýa raıynyń qolaısyzdyǵyna baılanysty (aıaz, burqasyn, jol kórinisiniń nasharlaýy) respýblıkalyq mańyzy bar «Astana-Qaraǵandy» tasjolyna qoǵamdyq jáne júk kólikteri úshin shekteý qoıyldy.
Almaty oblysynda saǵat 13:30-dan bastap aýa raıynyń nasharlaýy (burqasyn, joldyń kórinbeýi) saldarynan «Úsharal-Dostyq» avtojolynda (83-184 shaqyrym aralyǵy) barlyq kólik túrleriniń jolǵa shyǵýyna tyıym salyndy.
Sol sekildi Shyǵys Qazaqstan oblysynda saǵat 11:00-de «Óskemen-Semeı» jolynda (154-198 shaqyrym aralyǵy, Shúlbi aýylynan Semeı qalasyna deıin) barlyq kólik túrlerine shekteý bar.
Al, saǵat 12:10-nan bastap aýa raıynyń qolaısyzdyǵyna baılanysty «Semeı-Qaınar» jolynyń 8-266 shaqyrymy barlyq kólik túrleri úshin jabyq.
Saǵat 12:20-dan bastap respýblıkalyq mańyzy bar «Almaty - Óskemen» avtojolynyń 977-1048 shaqyrymyndaǵy Qalbataý aýylynan Ulan kentine deıingi bóliginde de qatty boran kólik qoǵalysyna tosqaýyl boldy.
Qaraǵandy oblysynda saǵat 13:00-de aýa raıynyń nasharlaýy (burqasyn, jol kórinisiniń shektelýi) saldarynan barlyq baǵyttaǵy kólik túrleriniń qozǵalysyna shekteý qoıyldy.
Pavlodar oblysynda saǵat 14:00-den bastap aýa raıynyń qolaısyzdyǵy saldarynan (burqasyn, joldyń kórinbeýi) respýblıkalyq mańyzy bar «Pavlodar-Sharbaqtydan RF shekarasyna deıin» (0-111), «Qyzylorda-Pavlodar» joly (1135-1206 km., Shiderti kentinen - Qaraǵandy oblysynyń shekarasyna deıin» barlyq kólikter úshin jabyldy.
