Astanada jáne Qazaqstannyń tórt oblysynda aýa raıyna baılanysty eskertý jarııalandy

ASTANA. QazAqparat – Qazaqstannyń 4 óńirinde aýa raıyna baılanysty eskertý jarııalandy, dep habarlaıdy QazAqparat «Qazgıdromet» RMK-ǵa silteme jasap.

25 naýryzda Astanada túnde jáne tańerteń tuman túsedi.

Aqmola oblysynyń ońtústiginde, shyǵysynda, batysynda túnde jáne tańerteń tuman túsedi.

Qaraǵandy oblysynyń soltústiginde túnde jáne tańerteń tuman túsedi. Qaraǵandyda túnde jáne tańerteń tuman túsýi yqtımal.

Pavlodar oblysy men Soltústik Qazaqstan oblysynyń ońtústigine de tuman túsedi.

SQO-da ońtústik-batystan jel soǵady, kúndiz soltústiginde, batysynda, ońtústiginde ekpini 15-20 m/s jetedi. Petropavlda ońtústik-batystan jel esip, kúndiz ekpini 15-20 m/s.