Astanada jáne elimizdiń 14 oblysynda aýa raıyna baılanysty eskertý jarııalandy

“Qazgıdromet” RMK habarlaýynsha, 10 qarasha kúni Astanada jáne respýblıkanyń 14 oblysynda aýa raıyna baılanysty eskertý jarııalandy, dep habarlaıdy Kazinform agenttigi.

10 qarasha kúni Astana jáne Aqtóbe oblysynda keı kezderi tuman túsedi. Ońtústik-batystan, batystan jel soǵyp, túnde jáne tańerteń ekpini 15-20 m/s deıin jetedi.

Almaty, Jambyl, Túrkistan, Qyzylorda jáne Jetisý oblystarynda tuman túsedi.

Qaraǵandy, Soltústik Qazaqstan, Aqmola jáne Ulytaý oblystarynda kóktaıǵaq bolyp, tuman túsedi.

Mańǵystaý oblysynda - shańdy daýyl. Ońtústik-shyǵystan soǵatyn jel baǵytyn soltústik-batysqa aýystyrady, túnde oblystyń ońtústiginde, batysynda, kúndiz - basym bóliginde jel ekpini 15-20 m/s deıin jetedi.

Atyraý jáne Pavlodar oblystarynda batystan 15-20 m/s jyldamdyqpen jel soǵady.

Batys Qazaqstan oblysynda qatty jańbyr jaýady. Ońtústik-shyǵystan soǵatyn jel baǵytyn batysqa aýystyrady, oblystyń batysynda, soltústiginde jáne shyǵysynda ekpini - 15-20 m/s.