Astanada jáne elimizdiń 14 oblysynda aýa raıyna baılanysty eskertý jarııalandy

ASTANA. KAZINFORM – Sınoptıkter Astana jáne respýblıkanyń 14 oblysynda aýa raıyna baılanysty eskertý jarııalady.

24 sáýirde Aqmola oblysynda soltústik-shyǵystan, tańerteń shyǵystan jáne kúndiz oblystyń batysynda jáne ońtústiginde jel soǵady, ekpini 15-20 m/s jetedi. Astanada soltústik-shyǵystan, kúndiz shyǵystan soǵatyn jeldiń ekpini 15-20 m/s-ke jetedi.

Jetisý oblysynyń shyǵysy men ońtústiginde soltústik-batystan soǵatyn jeldiń kúshi 15-20, kúndiz ekpini 25 m/s-ke jetedi.

24 sáýirde tańerteń jáne kúndiz Qyzylorda oblysynyń ortalyǵynda jáne soltústiginde naızaǵaı oınaıdy.

Almaty oblysynyń batysynda, ońtústiginde, taýly aýdandarynda naızaǵaı oınap, burshaq jaýýy múmkin.

Túnde soltústik-batysta, kúndiz Aqtóbe oblysynyń basym bóliginde, Atyraý oblysynyń soltústiginde, ońtústiginde, shyǵysynda, Batys Qazaqstan oblysynyń soltústiginde, shyǵysynda, Mańǵystaý oblysynda naızaǵaı oınaıdy.

Tańerteń jáne kúndiz Qostanaı oblysynyń batysynda, soltústiginde, ońtústiginde, Ulytaý oblysynyń ortalyǵynda naızaǵaı oınaıdy.

24 sáýirde Soltústik Qazaqstan oblysynyń batysynda, ońtústiginde túnde qar aralas jańbyr, kúndiz jańbyr jaýady.

25 sáýirde kúndiz soltústikte, Jambyl oblysynyń taýly aýdandarynda, 26 sáýirde túnde oblystyń taýly aýdandarynda, kúndiz batysta, soltústikte, oblystyń taýly aýdandarynda qatty jańbyr jaýady. 24-26 sáýirde soltústikte, ońtústikte, oblystyń taýly aımaqtarynda naızaǵaı oınap, burshaq jaýady.

24 sáýirde Túrkistan oblysynyń batysynda, taýly jáne taý bókterindegi aýdandarda naızaǵaı oınap, kóktaıǵaq bolady.