Astanada jáne birqatar óńirde qar jaýyp, kóktaıǵaq bolady
NUR-SULTAN. QazAqparat – Aýa raıynyń buzylýyna baılanysty Qazaqstannyń birqatar óńirinde eskertý jarııalandy, dep habarlaıdy QazAqparat «Qazgıdromet» RMK baspasóz qyzmetine silteme jasap.
29 qyrkúıekte Soltústik Qazaqstan oblysynda soltústik-batystan soqqan jeldiń kúshi - 15-20, keı jerlerde - 25 m/s jetedi.
Osy kúni Petropavl qalasynda soltústik-batystan jel soǵyp, ekpini 15-20 m/s deıin kúsheıedi.
29 qyrkúıekte Nur-Sultan qalasynda keı ýaqyttarda jaýyn-shashyn (jańbyr, jylbysqy qar) bolady. Ońtústik-batystan soqqan jel soltústik-batysqa aýysady. Kúndiz jel qarqyny - 18 m/s. 30 qyrkúıek túnde kóktaıǵaq bolýy yqtımal.
29 qyrkúıekte Aqmola oblysynda ońtústik-batystan soqqan jel soltústik-batysqa aýysady. Kúndiz keı jerlerde jel ekpini 15-20 m/s jetedi. 29-30 qyrkúıekte keı jerlerde kóktaıǵaq bolyp, tuman túsedi.
Kókshetaý qalasynda túnde jáne tańerteń jaýyn-shashyn (jańbyr, jylbysqy qar) bolyp, tuman túsedi.
29 qyrkúıek Qyzylorda oblysynyń keı jerlerinde naızaǵaı jarqyldaıdy. Soltústik-batystan jáne soltústikten soqqan jel soltústik-shyǵysqa aýysyp, kúndiz jel jyldamdyǵy sekýndyna 15-20, 23 metr bolady.
