Astanada jáne Aqmola oblysynda jel kúsheıip, burshaq jaýýy yqtımal
ASTANA. QazAqparat - Astana qalasy men Aqmola oblysynda jel kúsheıip, burshaq jaýýy yqtımad. Bul týraly QazAqparat Astana qalasy ákimdiginiń resmı saıtyna silteme jasap habarlaıdy.
Astana qalasynda 1 maýsym kúni ońtústik-batystan jel soǵady, jyldamdyǵy sekýndyna 15-20 metrdi quraıdy. 2 maýsymda soqqan jeldiń ekpini sekýndyna 23-28 metr bolady. Sondaı-aq naızaǵaı oınap, kúndiz daýyl soǵady, burshaq jaýýy múmkin.
Aqmola oblysynda 1 maýsym kúni ońtústik-batystan jel soǵady, kúshi túnde keı jerlerde 15-20 m/s, kúndiz basym bólikte 15-20, ekpini 23-28 m/s bolady.
2 maýsymda ońtústik-batystan jel soǵady, kúshi keı jerlerde 15-20 m/s, kúndiz jel ekpini 23-28 m/s. Keı jerlerde naızaǵaı oınaıdy, daýyl bolyp, burshaq jaýýy yqtımal.
