Astanada jáne Aqmola oblysynda kún sýytatyny eskertildi
ASTANA. QazAqparat - Apta boıy qatty aıaz turmaı, aýa raıy jyly boldy. Meteorologtardyń boljamynsha, demalys kúnderi Astanada aýa temperatýrasy tómendeıdi, qar jaýady, boran soǵady. Bul týraly astana.kz saıtyna «Qazgıdromet» RMK habarlady.
«22 aqpanda Aqmola oblysynda aýa temperatýrasy -20;-25 gradýsqa deıin tómendeıdi, keı jerlerde -30 gradýs aıaz bolady. 23-24 aqpanda túnde -30;-35 gradýs, keı jerlerde -38 gradýs aıaz bolady», - delingen vedomstvo aqparatynda.
Búgin kún bultty, qar jaýady, boran soǵady. Ońtústik-batystan soltústik-shyǵysqa aýysqan 9-14 m/s jyldamdyqpen jel soǵady, ekpini 15-20 m/s jetedi. Túnde jáne kúndiz -11;-13 gradýs sýyq bolady, tústen keıin aýa temperatýrasy tómendeıdi.
Erteń, 23 aqpanda Astanada kóshpeli bult shyǵady, jaýyn-shashynsyz bolady. Soltústik-shyǵystan batysqa aýysqan 9-14 m/s jyldamdyqpen jel soǵady. Túnde aýa temperatýrasy -30;-32°S, kúndiz -25;-27°S bolady.
Dúısenbi kúni, 24 aqpanda elordada kún ala bultty, jaýyn-shashynsyz bolady. Batystan 9-14 m/s jyldamdyqpen jel soǵady. Túnde aýa temperatýrasy -33;-35°S, kúndiz -23;-25°S bolady.
